Please wait while JT SlideShow is loading images...
Photo Title 1Photo Title 2Photo Title 3Photo Title 4Photo Title 5
Siur Heinrich Videsott:
Che Gejú implësces,
por interzesciun de Santa Maria,
Uma dles grazies,
to cör d'amur divin.
Siur Heinrich Videsott
Por informaziuns prëibel cherdè sö l'numer 371 1232254
Santa Messa
Domënia, 17 Setëmber 2023

Santa Messa festiva annuale in ricordo del nostro caro servo di Dio don Enrico Videsottnella chiesa parrocchiale di La Valle, domenica, 17 settembre... Lí inant...
Radio Maria
Jöbia, 24 Otober 2019

Il signor Aldo Bonecher, figlio spirituale di don Enrico ci parlerà del Servo di Dio don Enrico Videsott durante la trasmissione "il Giovedì... Lí inant...
Grazie di cuore
Mertesc, 16 Mà 2017

Un grazie di cuore a tutti quelli che sostengono la causa di beatificazione di don Enrico con le preghiere e con le offerte. Che il Signore Vi dia la... Lí inant...
Presentaziun dla biografia "Don Enrico Videsot - Vita e testimonianze" de Cristina Siccardi


Dodesc agn do süa mort él gnü dè fora le secundo liber (un n'êl bele gnü fora dan da cin' agn) sura la vita y les benedisciuns miracoloses de siur Heinrich Videsott. La domënia, ai 13 de novëmber, à le comité "Amici di Don Enrico" cun la presdiënta Michela Comploi da La Val, invié ala presentaziun dl liber nü. Le comité é gnü metü sö dan da dui agn y tol ite porsones dla Val Badia, de Gherdëna, Sanc'iana, Le Sest, Renun y inc'e da fora dla Provinzia.



L'auturia dl liber dal titul "Don Enrico Videsott -- Vita e testimonianze" é la storica Cristina Siccardi da Torino, auturia conesciüda de biografies, danter l'ater inc'e de papa Jan Paul II, Madre Teresa de Calcuta por nen nominé döes. Chësc liber de 185 plates é na biografia de siur Videsott che é gnüda damanada dai responsabli dla diozeja por les gaujes de beatificaziun. Tröpa lerch ciafa les testimonianzes de jënt che é gnüda daidada da sües benedisciuns. Tratan la presentaziun, moderada da Edith Ploner, à l'auturia cuntè val' sura le tru de realisaziun dl liber y les impresciuns ch'ara à albü tolon sö les testimonianzes, ne ara pö ëra instëssa nia conesciü personalmënter siur Heinrich. Al é spo stè n valgünes porsones che à cuntè dal vi sües testimonianzes.



La forza de siur Videsott àn inc'e sintì en chësc dé, cun le salf dles manifestaziuns da La Val straplëgn de jënt y cun tröpes porsones inc'e defora da porta che n'à nia plü podü ite, na te gran fola ne s'éss i organisadus nia aspetè. Passa 700 esemplars dl liber é bele gnüs cumprà en le dé dla presentaziun, ala fin dl ann éson rovà a zirca 2100 libri venüs. An vëiga che la recordanza a siur Heinrich Videsott é tres c'iamò via, sterscia y dër sintida. Al basta inc'e vijité süa fossa che é tresfora plëna de c'iandëres y d'atri simboi de fede. Cun chësta biografia él gnü fat n ater vare inant por arjunje la beatificaziun, an à la sensaziun che an é söl dër tru, an odarà.



En chësc dé anse inc'e recordè le nu de siur Videsott, siur Josef Kronbichler da Bornech, che ê ploan a Girlan. Al é mort a 65 agn fora de nia dal bòt al cör propi le dé dan la presentaziun. Insciö ne àl podü gnì degügn di cin' nus che foss zënza gnüs adalerch ala festa de presentaziun dl liber sura so berba.
 
info@donenrico.org
C.F. 92032130210 - ©