Pfarrer Heinrich Videsott-Don Enrico Videsott-Fora de süa vita

Siur Heinrich Videsott:

Che Gejú implësces,
por interzesciun de Santa Maria,
Uma dles grazies,
to cör d'amur divin.

Por informaziuns prëibel cherdè sö l'numer 371 1232254

Santa Messa

Domënia, 22 Setëmber 2024

Santa Messa festiva annuale in ricordo del nostro caro servo di Dio don Enrico Videsottnella chiesa parrocchiale di La Valle, domenica, 22 settembre... Lí inant...

Sorvidú de Di siur
Heinrich Videsott

1912-1999

Fora de süa vita

Siur Heinrich Videsott é nasciü ai 03 de messè 1912 a Mantëna todëscia, na picera fraziun dl comun da San Laurënz. Al é gnü consacrè prou a Porsenù l’ann 1937 y à metü man süa misciun da caplan y spo da ploan te deplü cöres dla diozeja da Porsenù. L’ann 1964 él rovè a La Val y é stè dailò famëi spiritual ćina ch’al é jü in ponsiun l’ann 1987.
Spo él romagnü a La Val ćina süa mort ai 09.12.1999.

Siur Videsott se fajô notè por süa gran disponibilité y süa paziënza da ascutè sö chi che gnô da ël por gnì daidà te sües pices o gran soferënzes dl corp y dl’anima.

Sciöche n bun pere, àl dagnëra parores de confort y cun sües oraziuns, so carisma y süa benevolënza êl bun de daidé tröpes porsones, che le chirî cun fiduzia y le periâ do süa interzesciun prò Chël Bel Dî. Süa benedisciun ê dagnëra fontana de grazies y de richëzes spirituales. Al periâ dër tröp y viô na fede scëmpla mo tlera. Al n’ê nia ma conesciü te süa ploania y te nosta valada, mo te döt Südtirol y jö por la Talia. Deache tröc reconësc d’ester gnüs daidà por süa interzesciun, é süa stima ćiamò chersciüda dô süa mort y à arjunt y superé i confins dla Talia.