Please wait while JT SlideShow is loading images...
Photo Title 1Photo Title 2Photo Title 3Photo Title 4Photo Title 5
Siur Heinrich Videsott:
Che Gejú implësces,
por interzesciun de Santa Maria,
Uma dles grazies,
to cör d'amur divin.
Siur Heinrich Videsott
Por informaziuns prëibel cherdè sö l'numer 371 1232254
Santa Messa
Vëindres, 09 Dezëmber 2022

23˚ anniversario della morte del servo di Dio don Enrico VidesottSanta Messa in ricordo e ringraziamento nella chiesa parrocchiale di La Valle alle... Lí inant...
Radio Maria
Jöbia, 24 Otober 2019

Il signor Aldo Bonecher, figlio spirituale di don Enrico ci parlerà del Servo di Dio don Enrico Videsott durante la trasmissione "il Giovedì... Lí inant...
Grazie di cuore
Mertesc, 16 Mà 2017

Un grazie di cuore a tutti quelli che sostengono la causa di beatificazione di don Enrico con le preghiere e con le offerte. Che il Signore Vi dia la... Lí inant...
Presentaziun dl liber todësch


La crëta te siur Heinrich Videsott crësc intres deplü. Ince sce al é bele passè 13 agn da süa mort, le recorda inant na gran schira de fedei. Chësc unse podü odëi la domënia dan chinesc dé, canche le comité "Amisc de Siur Heinrich Videsott" à invié ia la festa de recort di 100 agn dala nasciüda.



Al é passè plü o manco n ann da canche al é gnü presentè le liber de testimonianzes tl lingaz talian, y sëgn àn bele podü presentè le terzo liber che cunta sura la vita y les benedisciuns miracoloses de siur Heinrich Videsott. En chësc iade por todësch. La festa à metü man cun la santa mëssa solëna ciantada dal Cor de Dlijia da La Val. La santa mëssa é gnüda zelebrada dal vize postuladù siur Stephan Astner y conzelebrada dal nu de siur Heinrich adöm a bëgn trëdesc proi nia ma dla valada, mo ince da foradeca. Tratan chësta mëssa unse dantadöt orü rengrazié Idî por la gran buntè y la grazia che al i à conzedü ai tröc fedei che chir y ciafa tres danü sostëgn da siur Heinrich. Por tröc vìrel ciamò inant tl cör y te süa vita da vignidé. "Al é vëi. Siur Heinrich ê n prou cun le cör a somëia de Dî." Insciö podunse lì sön la pröma plata dl liber presentè en chësta ocajiun.



Do la santa mëssa dër sintida é spo la festa jüda inant cun la desmostraziun de fotografies y de na pert fora dla santa mëssa de sopoltöra. An à podü aldì n toch fora dla pordica de siur Heinrich en ocajiun de süa festa de 60 agn da prou, zelebrada a Mantëna Todëscia ai 29 de jügn 1997. Chësc à sambëgn descedè te tröc de bi recorc y de gran emoziuns. La festa é gnüda stlüta jö cun n pice renfrësch tl salf dles manifesta-ziuns.

Le liber todësch
Le liber todësch che é gnü presentè n''é nia ma na traduziun dl liber talian. Te chësc liber él da ciafè tröpes testimonianzes nöies de fedei, che à cun perseveranza dagnora perié le Signur, tres l''aiüt de siur Heinrich, do consëi y confort. Tröc é i fedei che pormò do la mort dl prou stimé, à conesciü la misericordia y la buntè de Dî tres siur Heinrich Videsott. La crëta te ël é te chisc ultims tëmps chersciüda dassënn y à arjunt porsones sura i confins de nosta provinzia fora. Cinamai tles perts plü dalunc de chësc monn s''à lascè aldì porsones che aprijëia siur Heinrich por so ester scëmpl y por so bel s''la rì. Le liber cumpëda 256 plates, zacotantes deplü co le liber talian. Laprò él gnü en chësc iade injuntè tröpes fotografies che ilustrëia la vita de siur Heinrich da süa nasciüda ai tëmps da incö, olache na gran coda de jënt passa dé por dé sön süa fossa, ince ma por n pice momënt de chît.



N gran dilan
Le comitê "Amisc de siur Heinrich Videsott" à sambëgn a contlujiun dla festa orü i sporje n rengraziamënt sintì a dötes le porsones che à daidé para al garatè dl liber y dla festa. Avëi podü dè fora te n cört tëmp danü n liber s''à sambëgn damanè tröc sforc y tröpa paziënza. Le comitê à indere tres confidé sön l''aiüt de Chël Bel Dî y sön le sostëgn de siur Heinrich. Ince en chësc iade àn podü sintì la forza de siur Heinrich cun na dlijia tocia y plëna. Chësta é dessigü stada la plü gran scincunda.
Al vëgn de cör rengrazié düc i benefaturs che sostëgn la causa de beatificaziun sides cun l''oraziun sciöche ince cun val'' oferta. Le giulan plü sintì i va sambëgn a siur Heinrich Videsott, che zënza so ejëmpl de fede, süa gran convinziun, so ester pere tratan döta süa vita y süa benedisciun che al se mëna ince do süa mort, n''ess chësta festa mai podü ester tan sintida.

 
info@donenrico.org
C.F. 92032130210 - ©